Sulisinnaasut
Sulisut aamma suliffissaaleqisut ataatsimoortillugit tassaapput suliffeqarfinni sulisinnaasut. Sulinerit pillugit kisitsisitigut paasissutissat aamma suliffissaaleqisut pillugit kisitsisitigut paasissutissat tunngavigalugit sulisinnaasut pillugit kisitsisitigut paasissutissat suliarineqartarput. Sulinerit pillugit kisitsisitigut paasissutissani kisitsisit aamma suliffissaaleqineq pillugu paasissutissani kisitsisit ataatsimoortinneqartarput. Suliffissaaleqineq pillugu paasissutissani naatsorsuinerit malillugit tassa taamaallaat inuit 18-it 64-illu akornanni ukiullit najugaqavissut sulisinnaasut pillugit kisitsisitigut paasissutissani naatsorsuinermut ilanngunneqartarput.
Sulisut imaluunniit suliffissaaleqisut 18-it inorlugit ukiullit aamma 64-it sinnerlugit, imaluunnit ukiumi nalunaarsuiffiusumi ukioq ilivitsuunngitsoq nunatsinni najugaqarsimasut sulisinnaasut pillugit kisitsisitigut paasissutissanut ilanngunneqanngillat.
Sulinerit suliffissaaleqisullu suliaqarfinni assigiinngitsuni inissisimanerat Titartakkami 6.1-mi takuneqarsinnaavoq. Titartakkami kisitsisit qummoortut tassaapput inuit amerlassusaat 21.000-nit aallartittut, qalipaatit nikerarnerisa sulinerit suliffissaaleqisullu ningassutaat ersersinngilaa. Sulisut piffissani aaliangersimasuni sulisut aaliangersimakannertaraluartut nikerarpallaannginnerat titartakkami aamma takuneqarsinnaavoq.
Titartagaq 6.1. Sulisinnaasut sulisunut suliffissaaleqisunullu immikkoortillugit
Najoqqutaq: Kisitsisaataasivik. http://bank.stat.gl/ARNSTK1
Takussutissiami 6.1-mi innuttaasut najugaqavissut sulisut suliffissaaleqisullu qanoq inissisimanerat takuneqarsinnaavoq. Inuusuttut ilinniartut saniatigut suliffeqanngitsut suliffeqanngitsutut nalunaarsimanerat aamma erninermut tunngatillugu sulinngiffeqarnerit taakkununnga ilanngunneqartarnerat nalunaarsuinermi inuusuttut amerlasuut suliffeqannginnerannik pissutaaqataavoq. Aammattaaq maluginiaqquneqarpoq ukioqqortunerusut amerlasuut sulisinnaasunut ilanngunneqanngitsut. Sulisut 35-it 39-illu akornanni ukiullit amerlanerpaajupput, taamatut ukiullit 83 procentii sulisarput imaluunniit suliffissaaleqisutut nalunaarsimasuupput. 2012-mi nunaqavissut sulisartut 18-nit 64-nut ukiullit qaammammut 74 procentii sulisinnaasuupput.
Takussutissiaq 6.1. 2012-mi sulisinnaasut aamma nunaqavissut
|
|
Qaammammut sulisinnaasut agguaqatigiissillugu amerlassusaat |
Qaammammut sulisinnaanngitsut agguaqatigissillugu amerlassusaat |
Nunaqavissut tamakkerlugit |
|
Katillugit (18-64-nik ukiullit) |
26.994 |
9.438 |
36.432 |
|
18-19-nik ukiullit ................. |
836 |
927 |
1.763 |
|
20-24-nik ukiullit.................. |
2.863 |
1.615 |
4.478 |
|
25-29-nik ukiullit ................. |
2.781 |
1.098 |
3.879 |
|
30-34-nik ukiullit.................. |
2.880 |
748 |
3.628 |
|
35-39- nik ukiullit ................ |
2.514 |
527 |
3.041 |
|
40-44-nik ukiullit ................. |
3.149 |
673 |
3.822 |
|
45-49-nik ukiullit ................. |
4.369 |
1.028 |
5.397 |
|
50-54-nik ukiullit ................. |
3.597 |
1.006 |
4.603 |
|
55-59-nik ukiullit ................. |
2.478 |
956 |
3.434 |
|
60-64-nik ukiullit ................. |
26.994 |
9.438 |
36.432 |
Najoqqutaq: Kisitsisaataasivik. http://bank.stat.gl/ARNSTK1